Lydia Cacho: Xornalismo a vida ou morte

Durante 35 anos, a xornalista mexicana Lydia Cacho, agora nomeada Escritora Galega Universal pola Asociación de Escritoras e Escritores en Lingua Galega, investigou e documentou as redes de tráfico de persoas, prostitución e pederastia enfrontándose a poderosas organizacións mafiosas nas que se asociaban a corrupción do poder político, económico e xudicial. Ameazada de morte, secuestrada e torturada, o seu compromiso mantivo a súa fe nun xornalismo que beneficie as máis débiles e que se enfronte ás inxustizas cunha nova mirada sobre a realidade.