Até seis días e medio pode demorarse a reparación dalgunhas avarías de telefonía fixa

A Unión de Consumidores da Galiza (Ucgal) deu a coñecer esta quinta feira un informe de avaliación da calidade dos operadores de telecomunicacións con datos facilitados polas propias empresas, referentes a 2022, e publicados pola secretaria de Estado de Telecomunicacións e Infraestruturas Dixitais (Setid) e as estatísticas de reclamacións rexistradas na Oficina de Atención das Usuarias e dos Usuarios das Telecomunicacións e Servizos Dixitais (Oautel). A fusión de Orange é MásMóvil podería redundar en subas de prezo na telefonía Como explica a Nós Diario o secretario xeral de Ucgal, Miguel López, “é unha información pública e os operadores teñen a obriga legal de informar mais non é doado atopala nas súas páxinas web”. O estudo desta entidade galega tivo en conta para a súa realización a calidade e as reclamacións en telefonía fixa, telefonía móbil e Internet: o tempo de subministración, as avarías e tempo de reparación das mesmas, o caudal de carga e descarga así como as reclamacións en fixo e móbil. A primeira conclusión ten que ver coa calidade global e, segundo a puntuación recibida polas usuarias e os usuarios, a peor compañía na táboa en telefonía fixa é R (5,80 puntos) lonxe do mellor clasificado, Movistar (8,13 puntos) seguido de Vodafone e MásMóvil (entre 7 e 7,51). No servizo móbil tamén suspende R, desta vez acompañado do Grupo Orange e o Grupo MásMóvil. Movistar sitúase, un ano máis, como o primeiro clasificado tanto en calidade do servizo fixo, móbil e global. “É relevante que o operador que soporta a prestación do servizo universal segue sendo o mellor en termos de calidade, con diferenzas de 40% en fixo sobre o peor da táboa, R”. Avarías “As compañías xogan co prezo, mais nós cremos que o importante é a calidade do servizo", considera lópez, "nun contexto en que estamos tan dependentes dunha conectividade cómpre non ter avarías e contar con boas infraestruturas”, engade. Na Galiza, as aplicacións móbiles tamén loitan contra a violencia machista En relación ás avarías, a maior porcentaxe na internet na Galiza corresponde a R (2,20%) e os mellores resultados están en Movistar (0,66%) e Vodafone (0,72%). Pola contra, na telefonía fixa ten peores resultados Orange (1,84%) MásMóvil (1,74%) e Vodafone (1,49%). Para Ucgal “tan preocupante como a porcentaxe de avarías é o tempo empregado na reparación”. Neste caso, salientan que R ten unha media de resolución dos problemas de telefonía fixa de 153 horas, case seis días e medio. No lado oposto, Movistar e Vodafone, tardan 46 e 36 horas respectivamente. En relación a internet, os tempos non son tan amplos. Aínda así, con perto das 100 horas ou máis están Orange e R. “Imaxinemos o drama que pode supor nalgunha casa galega con todos eses días sen poder ter a posibilidade de comunicarse por teléfono ou empregar internet”, opina López. O secretario xeral da Ucgal pon énfase nesta situación. “Temos que saber cal é o prazo, dentro do compromiso de calidade, para que a nosa compañía repare unha avaría”, indica. Cos datos actuais, o responsábel de Ucgal apunta que “a maioría traballa cun tempo obxectivo máximo de 48 horas”. Porén, a realidade que constataron demostra que hai “diferenzas moi notábeis como acontece co operador R”. Sabes que empresas de telefonía teñen máis reclamacións? O caso de R Os datos analizados por Ucgal achegan unha situación nada positiva para R. Para o secretario xeral de Ucgal, unha explicación para o que lle acontece á compañía con sede na Coruña podería vir “dos diferentes cambios desta operadora”. Recoñece que “hai moitos anos tiña ese selo de empresa galega mais deixouno e pasou a formar parte dun fondo de investimento estranxeiro e estar con Euskaltel”. Por este motivo, considera que “igual non está entre as súas prioridades poder atender aos seus clientes cun certo compromiso de calidade”. Iso explicaría “uns datos que non deixan de empeorar, malia certo aumento ultimamente”. Lembra que durante anos houbo toda unha “guerra polo prezo que, ao final, prexudicou a calidade final que lle chega ao consumidor”. Reclamacións O dato das reclamacións tamén é fundamental para a Ucgal. “As reclamacións dos usuarios ante a Oficina pon de manifesto o grao de insatisfacción dos mesmos, até o extremo de facerlles persistir na súa reclamación unha vez tramitada ante cada un dos operadores”, sinala o informe. Nas reclamacións no servizo fixo, segundo o estudo, destaca o volume do grupo MásMóvil (de cada 10.000 clientes, 12,60 reclamaron polo servizo de media), con R (17,50) perto de Vodafone (16,12). con R (17,50) perto de Vodafone (16,12). España e Italia lideran o incumprimento do Regulamento de Protección de Datos Do outro lado estaría Movistar (6,79) seguido de Pepemobile (3,28). En canto ás reclamacións móbiles, Vodafone ten o peor rexistro (2,94) e a Movistar o mellor (0,75). Yoigo e Orange móvense nun volume que vai do 1 ao 1,5. En relación ás reclamacións de atención ao cliente, os peores datos son os de Vodafone (0,5). "Precisamente estes días de mal tempo na Galiza estamos a recibir múltiples consultas para realizar reclamacións", asegura López, "que afectan desde cortes de subministros até asolagamentos de caixas de comunicacións", engade Banda ancha “Seguimos a ter algún problema no que ten que ver coa fenda dixital por razón de territorio”, recoñece Miguel López, “a dispersión xeográfica segue a facer que algúns puntos teñan que botar man doutras tecnoloxías que non son fibra óptica”, engade. O informe indica que a simetría de ofertas en Mbps (megabits por segundo) das velocidades de subida e baixada que presentan os operadores de ámbito estatal (1024/1024; 600/600; 300/300; 100/100; 50/50), aínda que hai algunha excepción como as ofertas de Vodafone de 600-300/100 Mbps; o que opera só na Galiza, caso de R, presenta asimetrías moi intensas (500/50; 300/30; 200/20; 100/10 e 50/5). Unha ollada AFondo aos retos da telefonía móbil Neste tema, o caudal medio de descarga nas ofertas de fibra e cable, vai desde o 100% de Orange ao 90% de R. Pola súa banda, o caudal medio de subida nas mesmas ofertas, móvese até 92% de R. Respecto a os caudais medios de baixada e subida en banda ancha móbil, os datos reflicten porcentaxes do entre 30% e 41% na descarga (Movistar e Vodafone, respectivamente), e entre 54% e 81% na subida, correspondentes aos grupos Orange e MásMóvil.