O festival de música O Son do Camiño, que conta con financiamento da Xunta da Galiza, vén de presentar o seu cartaz deste ano, que se celebrará os días 15, 16 e 17 de xuño no Monte do Gozo (Compostela).
As artistas galegas fican unha vez máis relegadas a un segundo plano cun protagonismo ínfimo, a pesar de tratarse dun evento con finanaciamento público a través do programa Xacobeo 2021-22. De feito, só 10 das 50 artistas que conforman o cartel da edición de 2023 son galegas.
Trataríanse de The Rapants, Groove Amigos, Michenlo, Xoel López, Fillas de Cassandra, Galician Army, Karras Martínez, Dani, Nano. e Bárbara Lago.
Non obstante, destes 10 grupos, só tres teñen entre o seu repertorio temas en galego: The Rapants, Fillas de Cassandra e Galician Army. Ningún dos grupos galegos ocupan a cabeceira do cartel.
Ademais, aproximadamente 32% dos grupos teñen mulleres entre os seus integrantes. É o caso de Nervo, Sila Lua, Toccororo ou a galega Bárbara Lago.
Artistas principais
O Son do Camiño presenta con pratos fortes nesta edición artistas como Bizarrap, Atl-J e Leiva (que encabezan o cartel da quinta feira 15 de xuño).
Tamén, na sexta feira 16 de xuño subirán ao escenario do Monte do Gozo Maluma, The Kooks e Wolfmother; e farán o mesmo o sábado 17 de xuño Aitana, Duki e os Kaiser Chiefs.
