O Delas Fest toma as rúas da comarca de Compostela

Despois de máis de medio ano de actividades, o festival de arte urbana feminista e contextual da comarca de Compostela, o Delas Fest, deixa nas rúas de Ames, Brión, Santiago e Teo catro murais nos que as artistas Amaia Arrazola, Julieta XLF, Doa Oa e Eloise Gillow plasman a súa visión de cada un destes territorios. Isto a partir dun enfoque no que se procura unha relación directa entre a arte e as persoas e historias dos lugares nos que intervén.