As viaxeiras aloxadas en hoteis galegos creceron 6,3% en 2023 e roldaron os 4,7 millóns

Case 4,7 millóns de viaxeiros e viaxeiras aloxáronse ao longo de 2023 en hoteis galegos, que experimentaron unha repunta neste índice de 6,3% con respecto aos datos do ano anterior. En concreto, segundo publica hoxe o INE, en 2023 aloxáronse en hoteis galegos 4.987.989 persoas. As viaxeiras residentes no Estado español —3.424.297— experimentaron un crecemento de 0,39% comparando con 2022, mentres que as de fóra —1.563.693— foron un 21,9% máis. En canto ás pernoitas, realizaron 9.523.654, un 4,5% máis que os datos de 2022. A estadía media foi de 1,91 días.