Stellantis Vigo suspende hoxe dúas novas quendas por falta de pezas

A dirección da factoría viguesa do grupo automobilístico Stellantis vén de comunicar ao persoal novas alteracións na actividade, con paradas que afectarán un dos sistemas de produción pola falta de subministracións. En concreto, a escaseza de pezas necesarias para a fabricación dos seus vehículos obrigará a compañía a parar o sistema 1, onde se ensamblan os Peugeot 2008 e 301 e o Citroën C-Elysée, durante a quenda de tarde e noite desta cuarta feira. A produción na factoría viguesa xa estivo parada en varias quendas antes na últimas semana, e tamén houbo alteracións xusto despois do regreso do cadro do período vacacional.