Regresa á Coruña o ciclo de recitais poéticos Poetas Di(n)versos

O ciclo mensual de recitais poéticos Poetas Di(n)versos volve outro ano máis ao Centro Ágora na Coruña, coordinado po Yolanda Castaño. A segunda feira, 29 de xaneiro, ás 20 horas, presentarase nun acto aberto no que participarán o poeta, filólogo, sociólogo, tradutor e profesor universitario vasco Joseba Sarrionandia, que recitará os versos orixinais dos seus poemas, e a poeta, xornalista, fotógrafa e activista galega Charo Lopes, que os traducirá ao galego e recitará os seus propios. O galego será a lingua de comunicación de toda a iniciativa á que acudirán, o 26 de febreiro, a Premio Nacional de Poesía Nova Berta García Faet e o lucense Adrián Maceda e o 25 de marzo, o poeta hondureño Rolando Kattan, acompañado polo lucense Abraham Pérez.