O PSdeG manterá o bastón de mando na Illa de Arousa, por vez primeira en coalición co BNG

O PSdeG, finalmente, manterá o bastón de mando na Illa de Arousa, con Luís Arosa na Alcaldía. Será por primeira vez en coalición co BNG, cuxa candidatura encabeza Manuel Suárez. Nas eleccións municipais, os socialistas lograron tres concelleiros, fronte aos seis que tiñan no anterior mandato. Os nacionalistas alcanzaron tamén tres actas e o PP, con Matías González Cañón, foco da polémica despois de transcender que fora condenado por unha agresión á súa ex parella anos atrás, sumou cinco.