O PP perde Vilardevós tras un pacto de PSOE e Interior Galego Vivo que inclúe rotar a Alcaldía

O PP perderá, despois de 12 anos, o goberno de Vilardevós (comarca de Verín), por mor do pacto que veñen de serlar o PSdeG-PSOE e Interior Galego Vivo para a formación dunha coalición de goberno durante os próximos catro anos, un acordo que inclúe rotar a Alcaldía a metade de mandato. A socialista Eva María Pérez Magote terá o bastón de mando os primeiros dous anos e Tamara Balboa, de Interior Galego Vivo, os dous seguintes. Os socialistas obtiveron tres escanos; IGV, dous, e o PP, catro, perdendo así a maioría absoluta.