Localizado no Vicedo o corpo sen vida do ancián que saíu pescar camaróns e non voltou

O home de 83 anos que saíra esta cuarta feira da súa vivenda para pescar camaróns no concello do Vicedo (A Mariña) e non voltou foi localizado sen vida esta quinta feira polos equipos de emerxencias despregados para atopalo. A central do 112-Galiza recibiu o aviso de madrugada e o corpo do ancián foi localizado nunha zona próxima a unha das covas, para o que foi precisa a intervención do helicóptero Pesca II, un dos numerosos medios mobilizados para localizar este home.