O festival BDra reivindica a banda deseñada, unha arte na que Pontevedra "é potencia"

O edil de Cultura de Pontevedra, Demetrio Gómez, presentou esta terza feira a nova edición do festival BDra Gráfica –que decorrerá entre o 27 e o 30 de xuño–, acompañado do seu impulsor, o debuxante e profesor Kiko da Silva. A cita, que comezou a súa andaina en 2023, contará nesta ocasión cun impulso de contidos e programación en todos os niveis."Pontevedra é unha referencia dentro da BD [...], somos unha potencia", indicou o concelleiro.