Falece unha persoa tras arder o seu coche após saír da vía na Cañiza

Unha persoa faleceu na tarde desta quinta feira, tras arder o seu coche ao saírse da vía cando circulaba pola EP-5001, ao paso pola parroquia da Franqueira, na Cañiza, e bater contra unha arqueta. Segundo informou o 112, os equipos de emerxencia acudiron a socorrer esta persoa ao fío das 17.30 horas. A pesar dos esforzos dos veciños, que retiraron a vítima do interior do vehículo en canto comezou a arder, a persoa perdeu a vida. Con todo, non descartaron que sufrise unha indisposición previa que a levase a perder o control do vehículo. O que si parece evidente é que o vehículo saíu da vía, bateu coa arqueta e ardeu por completo.