Facenda avanza que a Igrexa pagará desde mañá o Imposto sobre Construcións e Obras

O secretario de Estado de Facenda, Jesús Gascón, anunciou esta quinta feira, 2 de novembro, que o Boletín Oficial do Estado (BOE) publicará hoxe a orde ministerial que elimina a exoneración do Imposto sobre Construcións, Instalacións e Obras da que desfrutaba a Igrexa Católica. Fontes de Facenda puntualizaron que a orde entrará en vigor mañá, polo que a Igrexa terá que pagar este tributo desde este sábado, 4 de novembro. Así o avanzou Gascón, que recordou que esta orde responde ao acordo alcanzado o pasado mes de marzo entre o Goberno español e a Conferencia Episcopal Española (CEE) que se fixo efectivo o 29 dese mes. Esta medida implicará que os Concellos e as entidades locais do Estado español recadarán un total de 16 millóns de euros ao ano.