Corenta e cinco propostas presentadas para a nova edición das Residencias Artísticas Mariñán

As Residencias Artísticas Mariñán, promovidas pola área de Cultura da Deputación da Coruña, contan con 45 propostas: 24 de música e 21 de literatura e pensamento. O xurado de música está composto por Carles Sala (Fabra i Coats), Patricia Hermida (AGEM) e Carlos Crespo, xornalista musical; e o de literatura e pensamento pola poeta Yolanda Castaño, o escritor Iván García e a ensaísta María López, presididos pola deputada de Cultura, Natividade González.