Contundente derrota de Tere Abelleira ante o Xapón (4-0)

A galega Tere Abelleira apañou, xunto co resto das súas compañeiras no combinado estatal, a súa primeira derrota no Mundial de fútbol de Australia e Nova Zelandia. Sobre o céspede do Estadio Rexional de Wellington a galega sumou outra titularidade, mais despois de dous triunfos -sobre Costa Rica e Zambia- non puido facer nada para frear unha selección xaponesa que se impuxo por un contundente 4 a 0. As nipoas fecharon o seu triunfo na primeira metade, chegando ao tempo do descanso con 3-0 grazas aos tantos de Miyazawa (2) e Ueki. Xa no segundo tempo, e con Abelleira fóra do céspede -substituída por Zornoza no 72-, Tanaka meteu o cuarto e definitivo gol no minuto 88.