Australia pacta con Tuvalu ofrecerlle refuxio perante os efectos do quecemento global

As case 11.000 persoas que viven en Tuvalu, no océano Pacífico, poderán residir, estudar e traballar en Australia, así como acceder ao sistema sanitario e recibir apoio financeiro, logo do pacto asinado hoxe entre o primeiro ministro australiano, Anthony Albanese, e o seu homólogo de Tuvalu, Kausea Natano, perante o risco de desaparición do arquipélago nas próximas décadas ao elevarse o nivel do mar polo cambio climático.