Achan os restos de catro vítimas do franquismo no Val de Cuelgamuros

O equipo forense que traballa na identificación de vítimas da Guerra Civil e da represión franquista enterradas na cripta do Val de Cuelgamuros logrou estabelecer a identidade de catro deles, segundo confirmaron fontes ao tanto dos traballos. Trátase de tres homes e unha muller: Valerico Canales, Emilio Caro, Román González e Flora Labajos. O ministro español de Memoria Democrática, Félix Bolaños, comunicouse esta cuarta feira coas familias para trasladarlles que foran identificadas. O 13 de marzo o Tribunal Supremo español deu luz verde ás exhumacións dos restos das vítimas enterradas no Val de Cuelgamuros ao rexeitar o recurso presentado pola Fundación Francisco Franco.