Un operario faleceu esta segunda feira após caer desde unha altura de cinco metros cando trataba de instalar unha antena no municipio do Grove.
Segundo a información trasladada polo CIAE 112-Galiza, o suceso ocorreu sobre as 11.30 horas á altura do número 35 do lugar de Campos, onde o home estaba traballando.
Até o lugar do suceso desprazouse persoal sanitario do 061, aínda que non puideron facer nada por salvar a vida da vítima. Tamén foron mobilizados efectivos da Garda Civil, Policía Local e Protección Civil do Grove.