Un dos catro novos que caeu dun balcón en Sanxenxo (comarca do Salnés) segue en estado moi grave na unidade de coidados intensivos (UCI) do Hospital Clínico de Santiago.
Así o informaron fontes hospitalarias consultadas despois de que este mozo, de 18 anos, fose trasladado ao citado hospital mentres que a outros dous, de 19 anos, se lles derivase ao Hospital Montecelo.
Un foi dado de alta xa e outro foi enviado a un centro hospitalario de Madrid. Un cuarto foi dado de alta no mesmo punto dos feitos.
Os feitos
O suceso ocorreu na madrugada do 27 de xullo nun primeiro piso dun edificio da rúa Madrid da localidade do Salnés cando os mozos, segundo explicou o consistorio, estaban apoiados na varanda do balcón e se precipitaron cara a un patio.
Na vivenda, propiedade dun deles, había oito mozos de Madrid. Ao lugar, desprazáronse técnicos para supervisar o balcón e proceder a revisar os demais balcóns do edificio.