A incidencia dos chamados 'minipisos', vivendas cunha superficie inferior aos 30 metros cadrados, é "testemuñal" no mercado da vivenda na Galiza, segundo un estudo do portal Idealista, baseado nos anuncios publicados nos últimos tres meses.
O informe conclúe que estes 'minipisos' supoñen só 0,4% do mercado galego, por baixo do 0,8% de media no Estado español, aínda que a porcentaxe varía se se toman as cidades como referencia.
Por outra parte, no mercado da vivenda galega, segundo Idealista, 16,8% teñen entre 30 e 60 metros cadrados; 54,2% teñen entre 60 e 100 metros cadrados; 24,9% son pisos de entre 100 e 150 metros; e 3,7% superan esa superficie.
Cidades
Por cidades, Idealista analiza que na Coruña as vivendas anunciadas neste portal son, na súa maioría (54,7%), de entre 60 e 100 metros, e os 'minipisos' quedan en 0,4%; en Lugo, os 'minipisos' sitúanse en 1,3% e a maioría son pisos de entre 60 e 100 metros; o mesmo ocorre en Ourense, con 56% de vivendas de entre 60 e 100 metros, e unha incidencia de 'minipisos' de só 0,1%; mentres que en Pontevedra, a maioría de vivendas anunciadas teñen tamén entre 60 e 100 metros cadrados (55,9%) e a incidencia de 'minipisos' é de 0,2%.