Dous grandes flotadores dos utilizados para manter á boia bateas, apareceron na praia do Raso, en Ares (Ferrolterra). Tras discorrer por augas da súa ría, acabaron sobre a area.
Foron varios veciños os que alertaron as autoridades da súa presenza na praia, na zona do cámping, onde nun primeiro momento Salvamento Marítimo barallou a opción do seu remolque antes de chegar á costa. Con todo, esa operación descartouse ante o pouco calado da zona e agardaron a que finalmente quedasen depositados no areal.
Retirada
Agora deberá ser a empresa propietaria a que se faga cargo da súa retirada, tal e como aconteceu hai algo máis dun mes cun caso similar.
Naquela ocasión tamén vararon outros dous grandes flotadores, a poucos metros de distancia, concretamente na praia do Xuncal, a cal está emprazada no centro urbano desta localidade.
