Nunca Máis: a catástrofe do Prestige, 20 anos despois

O petroleiro Prestige ficaba á deriva a poucas millas das costas galegas o 13 de novembro de 2002. A xestión do accidente por parte dos Gobernos da Xunta da Galiza e do Estado español derivou na maior catástrofe ecolóxica que viviu o país. Nese contexto, naceu a Plataforma Nunca Máis. Sermos Galiza desprázase a Muxía para revivir aqueles días a través da conversa con parte das persoas que protagonizaron un movemento social sen precedentes.