O Parlamento da Galiza dixo adeus ao período de sesións e ao ano 2023 con varias chiscadelas á posibilidade de que a desta cuarta feira tamén fose a última sesión da lexislatura.
O noso deputado Xosé Luís Rivas "Mini" pechou o último pleno do ano agasallándonos esta panxoliña.
— BNG - Parlamento Galego (@bngparlamento) December 21, 2023
Queremos compartila todos e todas vós.
Boas festas! 🎄 pic.twitter.com/jRLe9Vahzk
E despediuse cun momento protagonizado pola música no hemiciclo. Como adoita facer en datas do Nadal desde que iniciara a súa traxectoria como deputado, o nacionalista Xosé Luis Rivas, coñecido como 'Mini' na súa faceta musical, quixo dedicar ás deputadas e deputados e xornalistas que seguían a sesión a intepretación dunha 'panxoliña'.
'Mini' reivindicou a tradición musical galega vinculada ás festas do Nadal coa interpretación de 'Vinde, galeguiños, vinde', recuperada a década de 1970 por Fuxan vos Ventos, icónica formación da música galega da que o deputado formou parte.
O PP, en castelán
Finalizada a súa canción, que o nacionalista acompañou usando o seu corpo como percusión, a deputada do PP Paula Mouzo quixo dar a réplica a 'Mini'.
Animada polos seus compañeiros de formación e tras aclarar que optaría por unha peza en castelán, a parlamentaria natural de Camariñas arrincouse 'a capella' coa letra de 'Vuelve a casa, vuelve, o tema do anuncio publicitario dunha coñecida marca de turróns.
Concluído o momento musical, a vicepresidenta da Cámara, Elena Candia, encargouse de desexar felices festas aos parlamentarios antes de pór fin á última sesión do ano.
