De “intolábel agresión”. Así cualificou o PSdeG o acontecido no pleno municipal da quinta feira en Cangas (O Morrazo), cando o edil do PP José Luis Xestido se dirixiu con actitude violenta á concelleira Iria Malvido, do PSdeG.
“Os violentos deben ser expulsados da política, e se Xestido non dimite, tócalle a Rueda botalo”, apuntou na segunda feira David Regades, secretario provincial do PSOE.
O PP, pola súa parte, nega que se producise agresión algunha, polo cal considera que Xestido non debe dimitir.
“Levantarse do escano, dirixirse ao dun adversario político e botarlle a man a unha concelleira para arrebatarlle violentamente un teléfono móbil é un xesto que non pode tolerarse”, salientou Regades, quen comparou a actitude de Xestido coa do concelleiro de Vox en Madrid Javier Ortega Smith.
Regades non ten dúbida de que o ocorrido no último pleno municipal, na quinta feira, foi unha “agresión física e verbal” do concelleiro do PP á concelleira socialista, quen é tenente de alcaldesa da localidade do Morrazo.
“Como pode comprobarse nos múltiples vídeos dispoñíbeis, consistiu en tapar o obxectivo do seu móbil, que estaba gravándoo, unha forma de actuar absolutamente improcedente, xa que nunca foi costume no noso municipio que os concelleiros e concelleiras se graven uns os outros durante a celebración dun pleno”, argumentou o PP.
Intolerable agresión física e verbal do concelleiro do PP José Luis Gestido á voceira socialista @iria_malvido onte no Pleno de Cangas @AlfonsoRuedaGal e @ppopular, para cando a dimisión deste señor? pic.twitter.com/jqlygg3tz0
— PSdeG-PSOE Pontevedra (@PsoePontevedra) December 23, 2023![Publicidade 196259]()
