luns 06/12/21

O BNG propón un modelo eólico "respectuoso coa xente que vive no medio rural, respectuoso co medio ambiente e a favor da maioría social"

Ana Pontón denuncia a "conivencia" de Feixoo coas eléctricas, xa que defende un modelo "depredador e especulativo" e "de barra libre"

A portavoz nacional do BNG, Ana Pontón, nas xornadas do Bloque sobre enerxía no Parlamento. Foto: Europa Press
A portavoz nacional do BNG, Ana Pontón, nas xornadas do Bloque sobre enerxía no Parlamento. Foto: Europa Press

Estender a Rede Natura até o 20 por cento do territorio de Galiza, unha tarifa eléctrica propia, maior participación pública nos beneficios da produción de enerxía e parques de aeroxeradores vinculados a proxectos industriais que cren emprego. Estes son o catro principais propostas do BNG para instalar "un modelo eólico respectuoso" na Comunidade fronte ao "depredador e especulativo" e "de barra libre" que promove a Xunta con Alberto Núñez Feijóo como presidente.

Así o explicou a portavoz nacional do Bloque, Ana Pontón, na súa intervención inicial durante unhas xornadas de portas abertas que o BNG organiza este sábado no Parlamento de Galiza centradas na enerxía, un "tema central para o país".

Pontón avogou por un "modelo sustentábel e ecolóxico co medio rural" e que "o vento se poña a disposición dos galegos", porque este recurso "non é das eléctricas".

Neste evento, titulado 'A enerxía eólica en Galiza. Problemas de hoxe e alternativas para o futuro' e coordinado pola deputada autonómica Noa Presas, intervirán ao longo da mañá diferentes personalidades vinculadas ao sector, entre eles o profesor titular de Economía Financeira e Contabilidade da Universidade da Coruña (UDC), Anxo Calvo Silvosa; o técnico en renovábeis Xosé Manuel Golpe Acuña; e a portavoz da Asociación para a Defensa Ecolóxica da Galiza (Adega), Belén Rodríguez.

Neste contexto, Pontón avogou por un "modelo sustentábel e ecolóxico co medio rural" e que "o vento se poña a disposición dos galegos", porque este recurso "non é das eléctricas". Fronte a este, a portavoz nacional do BNG situou ao "modelo depredador e especulativo" que promove o Goberno de Feixoo, que fai de "comercial das multinacionais" da enerxía.

"Feixoo está a deixar a Galiza ao pé das grandes empresas: Iberdrola, Naturgy, Greenalia...", aseverou Pontón, quen lamentou tamén que a Xunta permita "encher o territorio de muíños xigantes de até 200 metros" que "ameazan explotacións agrogandeiras e o medio natural co único obxectivo de forrarse".

A información galega está na túa man!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

"Claro que queremos enerxía eólica, pero en beneficio da Galiza e das persoas", recalcou, posto que a Comunidade é unha "potencia" neste ámbito e sería unha "gran oportunidade" para o futuro. Con todo, advertiu que non permitirá que isto quede "nun pelotazo" das multinacionais "coa conivencia de Feixoo".

O BNG lanza catro propostas "concretas, xustas e realistas". Entre elas, a de ampliar a Rede Natura "como mínimo" até o 20 por cento do territorio, xunto ao "compromiso de que non se vai a instalar ningún parque eólico neses terreos".

Propostas realistas

Así, o BNG lanza catro propostas "concretas, xustas e realistas". Entre elas, a de ampliar a Rede Natura "como mínimo" até o 20 por cento do territorio, xunto ao "compromiso de que non se vai a instalar ningún parque eólico neses terreos". "Non se pode facer trampa", advertiu, para seguidamente denunciar que Feixoo "paralizou a ampliación a Rede Natura a mantenta".

Así mesmo, Ana Pontón suxire que haxa maior participación pública nos beneficios da enerxía e que a instalación de novos parques estea vinculada "a proxectos industriais que xeran emprego e riqueza aquí", na Galiza.

Finalmente, os nacionalistas insisten en que unha zona produtora como é a Galiza "debe ter unha tarifa máis baixa da luz" aplicábel a todas as fontes de produción, posto que é algo "que xa fan países da contorna".

"En definitiva, o BNG quere un modelo eólico respectuoso coa xente que vive no medio rural, respectuoso co medio ambiente, a favor da maioría social, e non imos permitir que a maioría social pague a estafa da luz mentres hai miles de familias en pobrezas enerxéticas e con miles de empregos en xogo", resumiu Pontón.

O BNG propón un modelo eólico "respectuoso coa xente que vive no medio rural,...
comentarios