Na semana da Lingua e das Letras galegas o PPdG remitiu aos medios unha nota informativa redixida en castelán.
Contra o que é habitual nesta formación política, que emprega sempre a lingua propia do País para as súas comunicacións coa imprensa, desta volta o texto remitido trae o titular e dous destacados en galego e o resto da información figura integramente en castelán.
Na nota o PPdG dá conta de que nesta segunda feira os grupos parlamentares recibirán unha carta do seu voceiro na Cámara, Pedro Puy, para encetar o debate sobre a reforma da lei eleitoral.
As declaracións que recolle foron feitas polo vicesecretario xeral d@s conservador@s na Galiza e conselleiro de Medio Ambiente, Agustín Hernández, nun acto realizado en Lalín.