antonina.- Caste de mazá temperá de sabor acedo e polo xeral de tamaño pequeno.
Lugar de escoita.- Escudeiros - Ramirás (Ourense).
Fonte.- Xoán Carlos Domínguez Alberte.
caluada/o.- Froita madura de máis.
Lugar de escoita.- Mosende (O Porriño).
Fonte.- Pedro Salgueiro Sexto.
guelriña.- Variedade de mazá pequeneira e aceda.
Exemplo.- “As de guelriña.”
Lugar de escoita.- San Martiño (Vilaboa do Morrazo).
Fonte.- Sé Anxo Rosales González.
malva (figo de).- Clase de figo do país redondiño e verdoso.
Lugar de escoita.- Santo Adrián de Veiga (Ortigueira).
Fonte.- Avelina Piñón Rodríguez. (X. Ortigueira).
vergoña.- (Ademais de significados xa rexistrados) Acio de uvas que queda sen vendimar.
Exemplo.- “A ver se vas vendimar as vergoñas que che quedaron, que aínda che dan para ensaiar as campás de fin de ano.”
Lugar de escoita.- O Morrazo.
Fonte.- Salvador Castro Rúa.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.