O popular actor estadounidense —con raizame dinamarquesa— Viggo Mortensen súmase á campaña 'Aquí tamén se fala' posta en marcha polo IES Rafael Dieste da Coruña para fomentar o uso da lingua galega. Trátase dunha campaña de dinamización lingüística deseñada por e para a mocidade e que xa se estendeu a centros educativos de toda Galiza.
No perfil de Instagram da campaña pode visualizarse un vídeo no que o actor defende as diferentes linguas do mundo como "o tesouro dos pobos". "Por iso hoxe, en Galicia, onde estea, tamén falo galego", dixo Mortensen.
Más fans que nunca de Viggo Mortensen al verle defendiendo el gallego: "Las lenguas son el tesoro de los pueblos".
— Nadie Es Perfecto (@nepproducciones) January 16, 2024
pic.twitter.com/ZYqY3u69Qa
Non é a primeira vez que o actor mostra o seu afecto cara á lingua galega, pois o pasado mes de novembro recitou algúns dos seus poemas en galego no evento 'Poetas Di(n)versos', decorrido no centro Ágora da Coruña en compañía de Xosé Iglesias.