Após semanas de agarda no lameiro en que se converteu o campamento de Idomeni e os seus arredores unha columna formada por centos de persoas refuxiadas, activistas, voluntari@s e xornalistas diríxense cara á fronteira con Macedonia.
Saíron rachando coa barreira policial e cruzaron o río Suva que separa Grecia e Macedonia. Segundo MSF Sea terían morto cando menos tres persoas afogadas. Axentes da policía macedonia agárdaas máis adiante a aseguran que estudan a forma de devolver as persoas refuxiadas a territorio grego.
Hemos cruzado el río (helado). fronterizo. Llantos, gritos y mucho nerviosismo. La policía Macedonia espera #Idomeni pic.twitter.com/aFOl779jEB
— Ane Irazabal (@AneIrazabal) 14 marzo 2016
Fuxen de semanas no campo de Idomeni en condicións de insalubridade extrema. En conversa con Sermos Galiza, Iván Prado de Pallas@s en rebeldía, explicaba a pasada semana á súa volta de Indomeni as condicións que atinxen as persoas alí concentradas, moitas delas crianzas. "A zona cero da humanidade" aseguraba Prado.
No camiño a columna berra 'abride a fronteiras' (open the borders) e 'imos cruzar a Macedonia'. A policía grega tenda frear o seu avanzo máis sen éxito pois superan en número aos axentes policiais.
URGENTE: Salto masivo de la frontera de #Idomeni. Miles de personas andan con sus familias para efectuarlo. pic.twitter.com/x94v9Q8tXT
— David Zorrakino (@DavidZorrakino) 14 marzo 2016