Avións privados e prostitución: Así se desenvolve estes días o controvertido Foro de Davos

A demanda de traballo sexual dispárase cada ano durante a cimeira que reúne líderes mundiais, magnates de negocios, executivos corporativos e organizacións sen fins de lucro de todo o mundo.
Imaxe do Foro de Davos deste ano (Foto: Sandra Blaser / World Economic For / DPA).
photo_camera Imaxe do Foro de Davos deste ano (Foto: Sandra Blaser / World Economic For / DPA).

A reunión anual do Foro Económico Mundial (FEM) iniciou esta segunda feira na cidade suíza de Davos, co lema 'Cooperación nun mundo fragmentado', entre acusacións de "hipocrisía" polo uso de avións privados no medio da crise ambiental e a crecente demanda de prostitución por parte de asistentes no balneario suízo.

Críticos e activistas ambientais denunciaron a "hipocrisía" no uso de avións privados por parte dos asistentes á reunión, na cal un dos temas centrais é o cambio climático, así como tamén reprocharon a presenza de executivos do sector de combustíbeis fósiles nun foro supostamente consciente da sustentabilidade.

Neste sentido, activistas ambientais bloquearon durante estes días un aeroporto de avións privados, pedindo que os ricos e os responsábeis da toma de decisións rendan contas polos danos climáticos e ecolóxicos.

Pola súa parte, a organización climática Greenpeace revelou que, segundo unha investigación realizada pola consultora ambiental holandesa CE Delft o ano pasado durante a semana da cimeira, "1.040 voos de avións privados chegaron e partiron dos aeroportos que serven a luxosa estación de esquí suíza de Davos", xerando emisións equivalentes ás duns 350.000 autos nunha semana.

"Desagradábel clase maxistral de hipocrisía"

"Dado que 80 % da poboación mundial nunca voou, pero sofre as consecuencias das emisións da aviación que danan o clima e ​​que o FEM afirma estar comprometido co obxectivo climático de París, este auxe anual de avións privados é unha desagradábel clase maxistral de hipocrisía", dixo Klara Maria Schenk, activista de transporte de Greenpeace, nun comunicado.

Doutra parte, un fenómeno que chamou a atención é a crecente demanda de prostitución durante o cume que reúne líderes mundiais, magnates de negocios, executivos corporativos e organizacións sen fins de lucro de todo o mundo na pequena cidade alpina.

Segundo informes, as acompañantes alóxanse nos mesmos hoteis que os altos cargos e os seus empregados durante os cinco días que dura o foro.

A prostitución en Davos xa fora documentada en 2020 por unha investigación do xornal inglés The Times en colaboración con Channel 4.

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

comentarios