Un ataque con dron provocou este sábado un incendio nun depósito de combustíbel no porto de Sebastopol, a principal base da frota rusa do mar Negro na península de Crimea.
O gobernador de Sebastopol, Mijaíl Razvojayev, indicou que o incendiou non deixou vítimas que lamentar nin feridos.
As autoridades locais sinalaron que o lume se estendeu por unha superficie de case mil metros cadrados, pero foi finalmente sufocado polos servizos de bombeiros e emerxencias.
Tamén afirmaron que o ataque non supuxo un perigo para as infraestruturas civís da zona do porto de Sebastopol.
O gobernador Razvojayev subliñou que o incidente non afectará a subministración de combustíbel á cidade nin ao resto da península de Crimea.
Ataques non tripulados
Rusia denunciou nos últimos meses ataques ucraínos contra a península, na súa maioría con drons de asalto.
Neste sentido, o Servizo Federal de Seguridade confirmou o aborto dun atentado bomba contra o hospital naval en Simferópol, capital de Crimea.
O ataque ucraíno sobre Sebastopol foi confirmado polo antigo viceministro do Ministerio do Interior de Ucraína, Anton, Gerashchenko, na súa conta de Twitter.
Another video of a burning oil depot in Sevastopol, attacked by a drone this morning.
No one was injured, there are no civilian objects near the fire - Sevastopol "governor". pic.twitter.com/ij2fPqOTz7— Anton Gerashchenko (@Gerashchenko_en) April 29, 2023![Publicidade 196983]()
Andriy Yusov, representante da Administración Estatal de Ucraína, indicou máis tarde que os produtos derivados do petróleo destruídos –40.000 toneladas en chamas que provocaron unha columna de fume que dominou a cidade– estaban destinados aos buques de guerra rusos situados no porto da cidade.
