As ameazas que penden de proxectos mineiros como os que ameazan Corcoesto, A Limia, Cartelle ou Castrelo do Miño están na orixe da manifestación que convocada por ContraMINAcción sairá o 2 de xuño da Alameda de Compostela.
Rexeitarase cunha protesta que quere ser multitudinaria o incremento de concesións por parte da Xunta, esquecendo os espazos protexidos, o medio ambiente e a calidade e saúde da veciñanza e só respondendo a intereses de empresas extractivas transnacionais. .
Na presentación da convocatoria, o profesor Xoán Doldán, de Véspera de Nada, alertou sobre o perito das explotacións mineiras que non é só para o territorio localizado senón que supón un desembarco masivo co apoio do goberno da Xunta que pretende “transformar o noso territorio e convertelo nunha mina a ceo aberto” no que chamou economía da miseria que non solucionará o problema do desemprego nas comarcas nas que se implante xa que está demostrado que a minaría case non xenera postos de traballo. Inerviron tamén na presentación representantes de Verdegaia, Sindicato Labrego Galego e dos colectivos que se opoñen aos proxectos da Limia e Corcoesto. Animan á cidadanía a asistir e a mostrar unha forte oposición cidadá a uns proxectos que afectan a todo o país.
