María Xosé Porteiro: A ollada dos febles

Di María Xosé Porteiro que a loita pola liberdade e polos Dereitos Humanos situáronse sempre no centro das súas obsesións. A partir de aí, a preocupación pola igualdade de xénero ou polos pobos que resisten o dominio cultural non é máis que unha consecuencia puramente lóxica. Ambas están presentes na súa última novela, Tabiba (Elvira), igual que a historia da emigración galega en Cuba, contada sobre todo desde a perspectiva feminina, estaba en Sándalo (Galaxia). Falamos con ela da súa traxectoria como escritora, xornalista e política.