Javier Buján: "Laxeiro tiña unha enorme capacidade de fagocitar todo o que se lle puña diante"

Leva máis de 20 anos á fronte da Fundación Laxeiro, desenvolvendo un labor calado que foi quen, pouco a pouco, de transformar a imaxe que tiñamos do artista. Javier Buján é talvez a persoa que ten un maior coñecemento sobre a vida e a obra do artista ao que se lle dedica este ano o Día das Artes Galegas (1 de abril). E a súa actividade na Fundación permitiu non só catalogar máis de 3.500 obras de Laxeiro, senón tamén deitar luz sobre o papel das vangardas históricas da Galiza na historia da nosa cultura.