Mauro Varela vén de comunicar a súa “dimisión irrevocábel como Conselleiro Xeral de Novacaixagalicia, que leva consigo a dimisión como membro do Consello de Administración e da presidencia do mesmo”. As súas declaracións realizadas á Radio Galega hai uns días sobre que os compradores das preferentes sabían o que adquirían estaría no cerne da súa decisión. O propio Varela recoñece que "lamenta profundamente" o malestar que esas frases poideron xerar entre @s afectad@s (uns 40.000 en toda Galiza).
A decisión, asemade, prodúcese horas despois de que a Fiscalía Anticorrupción anunciase unha querela contra cinco dicrectivos de NCG.
