Os sete delegados de CCOO e UXT no comité de Ferroatlántica Cee-Dumbría-Centrais Hidroeléctricas presentaron a súa renuncia como representantes destes dous sindicatos estatais. Un paso que dan para deixar claro o seu rexeitamento ao apoio dado polos sindicatos que até agora representaban ao plan industrial da empresa, que implica a venda das hidroeléctricas.
Nun comunicado, os 3 representantes de CCOO cualifican de “decepcionante” o acordo acadado e consideran que nin Comisións nin os outros sindicatos que asinaron o acordo ( UGT, USO e Sindicato Unitario) preocupáronse de “defender os intereses da empresa no canto dos da comarca”.
Os 4 delegados da UXT afirman non se sentir “nin apoiados nin representados” por esas siglas e din que o sindicato “non respectou a nosa postura nin respectou os traballadores desta factoría e non respectou as mobilizacións que fixemos” nestes meses.
