O Pazo de Congresos de Santiago de Compostela acolle esta terza feira unha asemblea nacional de delegad@s da CIG, unha cita en que se avaliarán as políticas de atques a dereitos sociais e laborais emprendidas polo goberno do PP, alén de estudar e decidir sobre as respostas que cómpre dar.
O impacto na maioría social dos recortes e retalladas dos gobernos de Feijóo e Rajoy merecen, considera a central nacionalista, desenvolver accións claras de rexeitamento destas.
Ao remate, os delegados e delegadas sairán en manifestación, por volta das 12:00 horas, desde o Pazo de Congresos até o complexo administrativo da Xunta en San Caetano.