A especulación chegou á súa fin. Polo menos así o afirma o xornalista deportivo Fabrizio Romano que nas súas redes sociais asegura que o futbolista do Celta Gabri Veiga foi fichado polo equipo italiano Nápoles.
Understand Napoli are locked in talks with Celta Vigo for Gabri Veiga deal — plan to reach an agreement between clubs not triggering the clause 🚨🔵
— Fabrizio Romano (@FabrizioRomano) August 11, 2023
Veiga already agreed terms in principle with Napoli, clubs in direct contact to reach an agreement on fee. pic.twitter.com/3zkDg5RmbM
Así, o futbolista natural do Porriño xogará na Serie A italiana tras alcanzaren os clubs un acordo por 36 millóns de euros máis bonus, o que se achegaría aos 40 millóns da cláusula que tiña Veiga.
Segundo adianta Romano, Veiga asinaría un contrato de cinco temporadas o que, de cumprirse, estenderá a carreira do galego no Nápoles até 2028.
“Aceptou os termos”
“Veiga xa aceptou os termos do contrato”, asegura o xornalista deportivo.
Deste modo, o prodixio do Celta deixa o club tras asinar unha magnífica temporada que culminou cun gran partido final ante o Barcelona que selou a permanencia dos vigueses na máxima división do fútbol estatal.
