O semanario 'Sermos Galiza', candidato ao premio Follas Novas de Xornalismo Cultural

Redacción

07/abr./22 - 12:16 Actualizado: 08/abr./22 - 11:26

Seguinte

A primeira escolla de candidatos aos premios Follas Novas do Libro Galego xa é pública. Seis títulos por categoría nunha nova edición destes galardóns que veñen de ampliar o proceso de selección cunha fase extra antes da designación de finalistas.

O semanario cultural Sermos Galiza, que cada sábado acompaña o xornal Nós Diario, resultou elixido na categoría de Xornalismo Cultural a canda outros cinco aspirantes.

Ademais, na categoría de Divulgación, Héitor Picallo é parte da primeira selección de finalistas como autor de O escudo do Reino da Galiza. Unha (re)visión (inter)nacional, editado por Sermos Galiza.

En total, máis de setenta títulos son candidatos aos premios Follas Novas en doce categorías literarias trala primeira fase de selección realizada polo xurado dos galardóns. Na próxima fase escollerá tres finalistas e, na última, os títulos gañadores en cada unha das categorías.

Os premios, o 7 de maio

Os resultados destes premios daranse a coñecer na gala que terá lugar no Teatro Principal de Santiago o vindeiro 7 de maio.

Coas novidades introducidas para esta edición, as tres organizacións convocantes dos galardóns, a Asociación de Escritoras e Escritores en Lingua Galega, a Asociación Galega de Editoras e a Federación de Librarías da Galiza, fixeron unha proposta inicial que superou o centenar e medio de títulos, ampliando o número de obras participantes sobre edicións anteriores.

Sobre esa proposta inicial, o xurado fixo a selección para escoller os seis títulos candidatos en cada categoría ademais das categorías de proxectos e de xornalismo cultural.

Candidatos Premios Follas Novas 2022

Ensaio e investigación

Galiza e feminismo en Emilia Pardo Bazán María Pilar García Negro Alvarellos Editora
Castelao. Construtor da nación. Tomo III. 1940-1950 Miguel Anxo Seixas Seoane Editorial Galaxia
História da Dança Contemporânea na Galiza Afonso Becerra de Becerreá Através Editora
A xustiza pola man. Violencia e conflitividade na Galicia contemporánea Francisco J. Leira e Miguel Cabo (coord.) Edicións Xerais de Galicia
O idioma galego baixo o franquismo. Da resistencia á normalización Henrique Monteagudo Editorial Galaxia
Um país a la gallega. Galiza no No-Do franquista Beatriz Busto Miramontes Através Editora

Divulgación

Desmontando o corpo, construíndo a ciencia. As xemelgas Fernández de la Vega Andrea Barreira Baía Edicións
Pandemias. As epidemias que asolaron a humanidade Juan J. Gestal Otero Edicións Bolanda
H2… Oh!!! Pingas científicas María Canosa Editorial Galaxia
O escudo do reino da Galiza. Unha (re)visión (inter)nacional Héitor Picallo Sermos Galiza
Vermellos e laicos. A represión fascista do maxisterio coruñés Narciso de Gabriel Editorial Galaxia
Reboiras. O camiño da rebeldía Xurxo Martínez Crespo e Xosé Manuel Pereiro Aira Editorial

Narrativa

O cervo e a sombra Diego Ameixeiras Edicións Xerais de Galicia
Golpes de luz Ledicia Costas Edicións Xerais de Galicia
Deixádenos remar Ana Cabaleiro Edicións Xerais de Galicia
A vida secreta de Úrsula Bas Arantza Portabales Editorial Galaxia
As malas mulleres Marilar Aleixandre Editorial Galaxia
Coidadora María Marco Edicións Xerais de Galicia

Infantil

Douche a miña palabra Fran Alonso (Bea Gregores, ilustradora) Edicións Xerais de Galicia
Don Carlos e o misterio dos lucecús Patricia Torrado Queiruga (Xan López Domínguez, ilustrador) Baía Edicións
O Día dos Vivos. Os Minimortos Ledicia Costas (Mar Villar, ilustradora) Edicións Xerais de Galicia
A mestra corremundos Arancha Nogueira (Ana Varela, ilustracións) Cuarto de inverno
Neko Eva Mejuto (Bea Gregores, ilustradora) Oqueleo
A caca Cuca Irene Alonso Gasalla Editorial Galaxia

Xuvenil

A nena lectora Manuel Rivas (Susana Suniaga, ilustradora) Edicións Xerais de Galicia
Santoamaro Antonio Manuel Fraga Edicións Xerais de Galicia
Contos de obxectos Xabier P. DoCampo (DNL, ilustracións) Edicións Xerais de Galicia
Todos fomos Marcos Calveiro Edicións Xerais de Galicia
Maxia de pedra Xabier Domínguez Pérez e Alba de Evan (Eli García, ilustradora) Edicións Xerais de Galicia
O segredo de Al’eume Pilar Ortega Cuarto de Inverno

Ilustrado

Nación Mar Xosé Iglesias Editorial Bululú
XelArias, palabra á intemperie Emma Pedreira, Laura Romero Baía Edicións
Animalfabeto Nuria Díaz, Eva Mejuto Triqueta Verde Editora
A Coruña David Pintor Kalandraka Editora
A miña árbore secreta David Pintor La Guarida Ediciones
Guia definitiva dos anfibios e reptiles da Galiza Pancho Lapeña, Ignacio Munilla Soriano

Banda deseñada, gráfico, e humor

A Silveira Kiko da Silva Retranca Editora
Aldara. A lenda do cervo branco Inés Vázquez Demo Editorial
O pexego mecánico Víctor Tizón Demo Editorial
Que tempos! Xaquín Marín Edicións Embora
Nós seis Julia Lago Deputación Coruña
O destino de Kameko Abel Alves e Jorge Campos Aira Editorial

Iniciativa bibliográfica

Castelao. Construtor da nación (3 volumes) Miguel Anxo Seixas Seoane Editorial Galaxia
Colección Chave Mestra VV. AA. aCentral Folque
Colección Memoria Histórica Narciso de Gabriel Editorial Galaxia
Colección Cidades David Pintor Kalandraka Editora
Colección Os Minimortos Ledicia Costas Edicións Xerais de Galicia
Sección As libreiras VV. AA. Revista Luzes

Obra traducida

Canto eu a montaña baila Irene Solá. Tradución de María Alonso Seisdedos Kalandraka Editora
O quinto en cuestión Robertson Davies. Tradución de Alejandro Tobar Kalandraka Editora
Ión. Ciclope Eurípides. Tradución de Iria Pedreira Sanjurjo Rinoceronte Editora
O infinito nun xunco Irene Vallejo. Tradución de María López Suárez Edicións Xerais de Galicia
O deus das pequenas cousas Arundhaty Roy. Tradución de Antía Veres Xesto Kalandraka Editora
A poesía como arte insurxente Lawrence Ferlinghetti. Tradución de Daniel Salgado Rodolfo e Priscila

Poesía

Notas sobre a extinción Marta Dacosta Alonso Editorial Galaxia
O que fica fóra Manuel Rivas Apiario
Arder Marga Tojo Edicións Positivas
Lixeiro Ismael Ramos Edicións Xerais de Galicia
Simún Nuria Vilán Chan da Polvora Editora
As puntas da louza. Cancioneiro popular de labor Lorena Conde Aira Editorial

Teatro

Fillos do sol Cándido Pazó Editorial Galaxia
Identidade Nee Barros Fernández Editorial Galaxia
As desterradas Carme Varela Edicións Xerais de Galicia / Agadic
DFW nas profundidades da tristeza infinita / As cancións que lles cantaban aos cativos Raúl Dans Edicións Laiovento
República Sideral Esther F. Carrodeguas Baía Edicións
Ese silencio Avelina Pérez Edicións Positivas

Libro mellor editado

O que fica fóra Manuel Rivas Apiario
Duración da penumbra (edición especial Espiral Maior) Miguel Anxo Fernán-Vello Edicións Espiral Maior
Pequeno álbum de Nova York en inverno Berta Dávila, Carlos Meixide Rodolfo e Priscila
A Coruña David Pintor Kalandraka Editora
Intempériome (libro, CD, caderno, caixa) Xela Arias Xerais
A mestra corremundos Arancha Nogueira (Ana Varela, ilustracións) Cuarto de inverno

Iniciativa cultural