Entre xaneiro e agosto naceron 263 bebés menos que o pasado ano

Galiza rexistra un total de 9.270 nacementos nos oito primeiros meses de 2023, o que supón 263 menos (-2,76%) que no mesmo período de 2022, segundo os datos que publica o INE esta cuarta feira. No tocante ao mes de agosto, 1.185 bebés naceron no país, o que se traduce en 12,7% menos que no mesmo mes do ano anterior. Do total de 9.270 nais nos oito primeiros meses, o grupo maioritario é o de 35 a 39 anos de idade (3.037 nacementos), seguido de 30 a 34 anos (2.902). As nais de 40 anos ou máis foron 1.375, incluídas trece que tiñan 50 anos ou máis.