Pontegadea, de Amancio Ortega, gañou 2.092 millóns en 2022, un 30% máis, cunha carteira inmobiliaria de 18.154 millóns

O Grupo Pontegadea, que reúne todas as sociedades de carteira propiedade de Amancio Ortega, as súas filiais dedicadas ao negocio inmobiliario e outras participacións de carácter financeiro, fechou o exercicio 2022 cun beneficio neto de 2.092 millóns de euros, o que supón un incremento de 30,2% a respecto do obtido un ano antes, que se situara en 1.606 millóns de euros. A adquisición de novos activos, especialmente no sector loxístico e residencial, executados ao longo do ano 2022, fixeron aumentar o valor da súa carteira inmobiliaria até os 18.156 millóns de euros, 19% máis respecto aos 15.264 millóns de valoración a 31 de decembro de 2021.