Os hoteis galegos rexistraron unha ocupación de 40,1% en maio, por baixo da media

Os hoteis galegos rexistraron unha ocupación media de 40,1% o pasado maio, segundo os datos publicados esta sexta feira polo INE. Galiza ficou, así, como cuarto territorio que menor ocupación contabilizou, só por diante de Castela-A Mancha (34,9%), Asturias (37%) e Aragón (37,1%). A media estatal foi de 57,6%. O país foi o oitavo destino 'favorito' dos viaxeiros españois en maio, con 5% dos casos, con Andalucía (20,4%), Catalunya (14,8%) e País Valencià (12,4%) á cabeza. A tarifa media diaria dos hoteis galegos foi de 68,45 euros a noite, 7% máis que en 2022.