Galiza volve mobilizarse o 13 de novembro "contra o xenocidio en Palestina"

A Asociación Galaico-Árabe Jenin, BDS Galiza, Mar de Lumes e o colectivo Galiza por Palestina volven convocar a cidadanía galega, máis unha vez, a se mobilizar a vindeira segunda feira, 13 de novembro, en máis dunha vintena de localidades do país para expresar o seu rexeitamento ao "xenocidio" en Palestina e para demandar un alto o fogo inmediato en Gaza. As concentracións comezarán ás 20 horas.