Fruga e Deputación da Coruña traballarán pola mellora das franxas forestais nos montes veciñais

O presidente da Deputación da Coruña, Valentín González Formoso, o coordinador da Federación Rural Galega, Manuel da Cal, e a deputada responsábel da área de Mar e Medio Rural, Cristina Capelán, asinaron esta terza feira un convenio para o financiamento do proxecto Estudo e análise de viabilidade socioeconómica e medioambiental nas franxas da biomasa forestal nos montes veciñais das comarcas do Barbanza e da Costa da Morte.