Ferido un motorista tras impactar contra un vehículo en Vigo
Un motorista resultou ferido na mañá desta cuarta feira en Vigo tras impactar contra un coche na rúa Aragón, segundo informaron fontes do 112 Galiza. Os feitos ocorreron minutos antes das 11 horas á altura do número 221 da devandita vía. Foron os servizos de urxencias sanitarias os que alertaron ao Centro Integrado de Atención ás Emerxencias. A partir de aí deuse aviso á Policía Local de Vigo e aos Bombeiros da cidade olívica.
