'Feijóo, biografía dun farsante', o novo libro de Manuel Monge

A vindeira semana chegará ás librarías do país o último libro do sociólogo e ensaísta Manuel Monge, colaborador na sección de Análise de Nós Diario. A obra, editada por Laiovento, leva por título Feijóo, biografía dun farsante (non autorizada), e o propio autor preséntao como "un libro de consulta, que ten pouco de literatura e que pode ser útil para desmontar o discurso da dereita e ultradereita". "Lectoras e lectores terán información para comprobar que Alberto Núñez Feixoo non ten nada de bo xestor e nada de moderado e que sería un pésimo Presidente do Goberno", afirma.