Eric Dopazo saca á luz o seu primeiro traballo, 'Sóbrannos ganas'

Esta sexta feira, 9 de febreiro, publícase Sobrábannos ganas, o primeiro EP de Éric Dopazo, producido por Jose Gayoso, en colaboración co proxecto Piratas sen parche (Diego, P. Castro, Kinhos Saburido e Jose Gayoso). Apóiase nun par de temas previamente publicados, como son "Gorda", un canto ao apoderamento dos corpos non normativos e "Eduardita", a homenaxe ao icónico Eduardo Blanco Amor. Os temas novos comezan con "Bibosi e motacú", que fala dunha complicada relación a distancia na que ambas persoas só queren enredarse unha na outra. A outra novidade é "A Balada do Bernardino", unha canción de amor titulada na honra do icono ourensán Bernardino Garrido. Aderezada cun fragmento prestado do escritor, artista multidisciplinar e cantante de ChopChop, Xelís de Toro.