"Un equipo para un país": o celtismo encherá Balaídos de bandeiras galegas este sábado

Baixo o lema 'Galiza na nosa ialma, o Celta nos nosos corazóns', as peñas do Real Club Celta, así como a coordinadora da bancada de animación e o colectivo Tropas de Breogán, chaman a encher Balaídos este sábado no partido ante o Barcelona (18.30h), na xornada previa precisamente ás eleccións galegas, para "amosar ao mundo que este pobo e esta afección teñen sentir de seu". As peñas convidan o celtismo a cantar o Himno da Galiza a capela no minuto 18 da segunda metade acompañándoo dunha bandeirada.