Desactivado o plan especial activado tras conter a vertedura de gasóleo do camión accidentado na AP-9

A Xunta vén de desactivar o Plan de Protección Civil ante accidentes no transporte de mercadorías perigosas (Transga) após conter e controlar a vertedura de gasóleo do camión accidentado na AP-9, ao seu paso por Oroso. Sobre as 4 horas desta pasada madrugada logrouse retirar o camión do lugar. O suceso produciuse contra as 16.25 horas da tarde desta sexta feira. Debido ao impacto, o condutor, que resultou ferido de gravidade, quedou atrapado e tivo que ser excarcerado para o seu traslado en helicóptero a un centro hospitalario.