Dá comezo o prazo para solicitar e descargar o Bono Deporte

O prazo para que as familias con crianzas de 6 a 16 anos con licenza federada ou do Programa Xogade poidan descargar o Bono Deporte abre esta segunda feira. As solicitudes poderán realizarse até o 29 de febreiro e os bonos descargados poderán empregarse ata o 1 de xullo. Segundo explicou a Xunta da Galiza, trátase dun sistema que funciona a través dunha aplicación móbil. Cada beneficiario disporá como máximo dun único bono por menor que se poderá descontar mostrando un código QR no momento do pagamento nos estabelecementos comerciais e entidades deportivas ou prestadoras de servizos adheridos á iniciativa que estarán identificados ademais cun distintivo da campaña.